كل اللي محتاج تعرفه عن ديوان

نوع الحساب

• «شخصي»: لمصروفات البيت والأفراد. التبويبات: الرئيسية، الميزانية، المصاريف، الأفراد، الإعدادات، والمشاريع اسمها «الأقسام».
• «أعمال»: للشركات والمقاولين. التبويبات: الرئيسية، العهد، المصروفات، المشاريع، الإعدادات. والموظفين من مربع في الرئيسية.
• تقدر تغيّر نوع الحساب من: الإعدادات ← اضغط على اسمك ← نوع الحساب.

التسجيل والدخول

• بجوجل بضغطة، أو بالإيميل: الاسم والموبايل والإيميل وكلمة المرور مرتين (لازم تتطابق).
• بعد التسجيل بالإيميل بيوصل كود من 8 أرقام على الإيميل؛ اكتبه أو اضغط الزرار اللي في الرسالة.
• خانة «كود دعوة» (اختياري): كود صديق (6 حروف) يدّيك شهر مجاني، أو كود فريق (8 حروف) يضمّك لفريق شركة.
• نسيت كلمة المرور؟ «نسيت كلمة المرور» في شاشة الدخول ← رابط على الإيميل.
• الدخول بالبصمة/الوجه: بعد أول دخول فعّله من الإعدادات ← الأمان.

التثبيت على الموبايل

• أندرويد: من جوجل بلاي (بعد النشر)، أو من Chrome ← القائمة ⋮ ← «تثبيت التطبيق».
• آيفون: افتح diwan-app.com من Safari ← زر المشاركة ← «إضافة إلى الشاشة الرئيسية».
• كمبيوتر: Chrome أو Edge ← أيقونة التثبيت في شريط العنوان.
• التحديثات بتوصل أوتوماتيك؛ أول فتحة بعد التحديث ممكن تجيب القديم، والتانية الجديد.

خطوات البداية

• للحساب الجديد بيظهر كارت «ابدأ مع ديوان» في الرئيسية: سجّل مصروف، أضف عهدة/دخل، أول مشروع، أضف موظف، افتح تقريرك.
• كل خطوة بتفتح القسم بتاعها، وبتتعلّم ✓ لما تتعمل. الكارت بيختفي لما تخلّصهم أو تقفله بـ ✕.

الباقات

• المجانية: 50 مصروف في الشهر، مشروع واحد، قراءة الفاتورة على الجهاز والإدخال بالصوت، تقرير شهري PDF (عليه «صادر من ديوان»).
• بلس: من غير حدود + الموردين والآجل + المستخلصات + عروض الأسعار + تقارير بشعارك وExcel ورابط مشاركة + الذكاء الاصطناعي.
• برو (للأعمال بس): كل اللي في بلس + الفريق (موظف/مشرف/محاسب حتى 5) + سجل النشاط.
• حساب الأعمال الجديد بياخد تجربة برو 14 يوم مجاناً بعد أول دخول (مرة واحدة لكل حساب جديد).
• الأسعار وتفاصيل كل باقة في صفحة الأسعار على الموقع.

البطاقة الكبيرة

• رصيد العهدة (للأعمال) أو الميزانية (للشخصي): المستلم − المصروف من بداية الفترة الحالية، وشريط بيوضح المتبقي.
• «مدفوعات مباشرة من الشركة» بتظهر لوحدها ومش بتتخصم من العهدة.

المربعات

• تسوية العهدة / إقفال الفترة، التقارير، الموظفين (للأعمال) أو المشاريع/الأقسام (للشخصي)، الموردين، عروض الأسعار (للأعمال)، التنبيهات.

زرار +

• إضافة سريعة: مصروف أو عهدة/دخل.

فوق في الهيدر

• 🌐 اللغة عربي/إنجليزي، ☀️/🌙/📱 المظهر (فاتح ← داكن ← تلقائي)، 👁 إخفاء المبالغ، الدعم.

كروت بتظهر وقت اللزوم

• تقرير الشهر اللي فات (أول 10 أيام)، رسايل من الإدارة، تنبيه تعدّي الميزانية، كارت تجربة برو بعدد الأيام الباقية.

إضافة مصروف

• زرار + ← مصروف: المبلغ، التصنيف، الوصف، طريقة الدفع، التاريخ، المشروع، المورد، صورة الفاتورة.
• الضريبة: لو مفعّلة، بتكتب المبلغ شامل أو قبل الضريبة، وهي بتتحسب بنسبة دولتك.
• التطبيق بينبّهك لو المصروف شكله متكرر (نفس المبلغ والوصف).

طرق الدفع

• نقدي / تحويل بنكي / شبكة: بيتخصم من العهدة (عهدتك أو عهدة الموظف المختار).
• من الشركة مباشرة: مش من عهدة حد (خانة «صاحب العهدة» بتختفي)، وبيتحسب على المشروع.
• آجل: بيظهر بس لما تختار مورد. اكتب «دفعت كام دلوقتي؟» لو دفعت جزء، واختار «اتدفعت من: الشركة / عهدتي». الفاتورة بتتسجل آجل بقيمتها، والدفعة بتتسجل للمورد في نفس الخطوة.

صورة الفاتورة

• أيقونة الكاميرا ← صوّر: المبلغ والتاريخ والمورد والتصنيف بيتملوا لوحدهم.
• بلس وبرو: بالذكاء الاصطناعي (أدق، حتى العربي وخط اليد). المجانية: قراءة على الجهاز.
• لو المورد مش موجود، بيظهر اقتراح «إضافة المورد» بضغطة.

الإدخال بالصوت

• أيقونة الميكروفون ← قول مثلاً «بنزين 200 جنيه».

في القايمة

• كل مصروف عليه «…»: عرض الإيصال، مشاركة، تعديل، حذف.
• الحذف بيتنفذ فوراً، وفيه «تراجع» في الرسالة اللي بتظهر.
• الآجل: الرقم على اليمين هو قيمة الفاتورة، وتحت مكتوب «عليك X» بالأحمر، أو «مدفوع Y • عليك X»، أو «آجل • اتسدد».
• لو موظف سجّل المصروف، بيظهر عليه «سجّله: اسمه».
• فلاتر: النهارده/الأسبوع/الشهر/الكل، والبحث، والمشروع.

العهدة

• إضافة عهدة (أو دخل للشخصي): المبلغ، طريقة الاستلام، التاريخ، المشروع، صاحب العهدة (إنت أو موظف).
• رصيدك = عهدتك − مصروفاتك منها (والدفعات للموردين «من العهدة»).

التسوية

• الرئيسية ← تسوية العهدة: ملخص المستلم والمصروف والمتبقي، واسم المستلم وملاحظات ← اعتماد.
• بيطلع ملف PDF، والعهدة بتبدأ دورة جديدة من وقت التسوية.
• «تراجع» (في تبويب العهد) بيمسح آخر تسوية ويرجعك للتسوية اللي قبلها.
• سجل التسويات محفوظ؛ ولو بداية الفترة اتمسحت بالغلط، التطبيق بيرجّعها من السجل لوحده.

عهدة الموظف

• من بطاقة الموظف ← «تسوية عهدة الموظف». والموظف نفسه يقدر يطلب تسوية من تطبيقه، وإنت توافق من التنبيهات.

إضافة موظف

• مربع «الموظفين» في الرئيسية (للأعمال) ← إضافة: الاسم، الوظيفة، رقم البطاقة/الإقامة وتاريخ انتهائها، آخر إجازة ومدتها.

بطاقة الموظف

• المستلم والمصروف والمتبقي، وتقسيم بالمشروع لو عنده أكتر من عهدة، وكل الحركات.
• كشف حساب PDF، وتسوية العهدة.
• شارات: الإجازة القادمة، الإجازة المتأخرة، البطاقة اللي قربت تنتهي.

الفلاتر

• الكل / إثبات قرب ينتهي / معاه عهدة، والبحث بالاسم أو الرقم.

إضافة مشروع

• تبويب المشاريع ← إضافة: الاسم، قيمة العقد، العميل وموبايله، نسبة محتجز الضمان، خطاب الضمان وتاريخه.
• المجانية: مشروع واحد. للشخصي اسمها «الأقسام» ومعاها ميزانية وتنبيه.

بطاقة المشروع

• إجمالي العقد، المدفوع من العميل، تكلفة المشروع، صافي الربح ونسبته.
• سطر «مدفوع • آجل • فواتير الموردين ‹» بيفتح فواتير الموردين في المشروع.
• «…» جنب الاسم: تعديل، إنهاء (أرشفة)/استرجاع، حذف.
• الصف اللي فوق (لأكتر من مشروع): العقود، التكلفة، صافي الربح.

عرض المصروفات

• زرار «عرض المصروفات»: نافذة فيها كل مصروفات المشروع والإجمالي، وتبويب «فواتير الموردين»: كل مورد وعدد فواتيره وعليك كام، وبالضغط تفتح صفحة المورد.

إدارة المشروع

• المستخلصات: إصدار ومتابعة التحصيل، ومحتجز الضمان، وتنبيه المتأخر.
• أوامر التغيير (إضافة/حذف من العقد)، مقاولو الباطن، يومية الموقع بالصور (ومشاركتها مع العميل)، مخزون الموقع.
• زرار «كل مصروفات المشروع» في أولها.

مشاريع أو فروع؟

• الإعدادات ← التفضيلات ← تسمية الأقسام ← «فروع»: كلمة «مشروع» بتتغير لـ«فرع» في كل التطبيق والتقارير.

المورد

• مربع «الموردين» ← إضافة: الاسم، التصنيف، الرصيد الافتتاحي (لو عليك فلوس من قبل)، الموبايل، الرقم الضريبي.

صفحة المورد

• المشتريات، المدفوع، الرصيد، وكل الفواتير والدفعات. كل فاتورة عليها «…»: الإيصال، تعديل، حذف.
• إضافة فاتورة، دفعة، تذكير واتساب، كشف حساب PDF.

الدفعة للمورد

• المبلغ، اتدفعت من (الشركة مباشرة / العهدة)، التاريخ، المشروع.
• التصنيف بيتاخد لوحده من آخر فاتورة للمورد (تقدر «تغيّره»).
• الدفعات بتتخصم من أقدم فاتورة للأحدث تلقائياً.

إنشاء عرض

• مربع «عروض الأسعار» ← عرض سعر جديد، بنفس ترتيب ملف الـ PDF:
• العميل وموبايله ← اسم العرض ← مقدمة/وصف الأعمال ← البنود (الكمية × سعر الوحدة) ← الخصم والضريبة والإجمالي ← صالح حتى ← الدفعات (نسبة وميعاد كل دفعة) ← ملاحظات وشروط.
• رقم العرض بيتولّد لوحده.

على كل عرض «…»

• PDF بشعارك (التاريخ ورقم العرض فوق، البيانات كل واحدة في سطر، البنود، الإجمالي، الصلاحية، الدفعات، الملاحظات).
• إرسال واتساب لرقم العميل (والحالة تبقى «مُرسل»).
• ✨ رسالة للعميل / رسالة متابعة بالذكاء الاصطناعي.
• وافق العميل ← حوّله لمشروع: مشروع بقيمة العرض وبيانات العميل.
• رفضه العميل، تعديل، حذف. الحالات: مسودة، مُرسل، مقبول، مرفوض.

شاشة التقارير

• الفترة: الشهر / 6 شهور / الكل.
• الإجمالي ومقارنته بالشهر اللي فات (▲ أحمر لو زاد / ▼ أخضر لو قلّ)، متوسط الشهر، أكبر بند.
• ✨ حلّل مصروفاتي (بلس وبرو): ملخص وملاحظات ونصايح. بيتبعت الإجماليات وأسماء التصنيفات والمشاريع بس.
• رسم آخر 6 شهور، حسب التصنيف، حسب المشروع.
• تقرير الشهر (الحالي/اللي فات) PDF، وتصدير المصروفات PDF / Excel / CSV.

رابط مشاركة حي

• الإعدادات ← البيانات والمشاركة ← رابط مشاركة حي: رابط قراءة فقط للمحاسب أو العميل، بمدة أو دائم، وتقدر تلغيه.

فين؟

• قراءة الفاتورة (إضافة مصروف ← الكاميرا) — بلس وبرو.
• حلّل مصروفاتي (التقارير) — بلس وبرو.
• رسالة للعميل / متابعة (عروض الأسعار ← «…») — بلس وبرو.
• اسأل المساعد (الدعم) — كل الباقات.

رصيد الذكاء الاصطناعي

• كل باقة ليها رصيد شهري، بيتجدد أول كل شهر. كل قراءة فاتورة أو تحليل أو رسالة أو سؤال = استخدام واحد.
• تشوف رصيدك من الإعدادات ← الباقة والفواتير، ولو خلص تقدر تطلب رصيد إضافي من نفس المكان.
• لو الحد خلص أو الخدمة وقفت، قراءة الفاتورة بترجع للقراءة على الجهاز لوحدها.
• اللهجة حسب العملة: جنيه ← مصري، ريال ← سعودي.

الأدوار

• موظف: يسجّل مصروفات عهدته ويشوف عهدته بس.
• مشرف موقع: مربوط بموظف ومشروع؛ يسجّل مصروفات ويومية مشروعه ويطلب تسوية.
• محاسب: يشوف كل بيانات الشركة للعرض بس.
• الموردين والمستخلصات للمحاسب بس؛ الموظف والمشرف بيشوفوا أسماء الموردين والمشاريع عند التسجيل.

الدعوة

• الإعدادات ← الشركة والفريق ← الفريق ← دعوة: الاسم والدور (والموظف/المشروع للمشرف) ← كود 8 حروف تبعته.
• العضو يكتب الكود في «كود دعوة» وهو بيسجّل أو من «الانضمام لفريق».
• إلغاء العضو من نفس الصفحة. والعضو يقدر يغادر الفريق أو يحذف حسابه (مصروفاته بتفضل عندك).

المتابعة

• «سجّله: اسمه» على أي مصروف سجّله عضو، وسجل النشاط: مين أضاف أو عدّل أو حذف ومتى.

• مربع «التنبيهات»: انتهاء البطاقات/الإقامات، الإجازات، المستخلصات المتأخرة، طلبات التسوية، التذكيرات.
• تذكيرات (الإعدادات ← أدوات): دفعة، شيك، إيجار، فاتورة، قسط… بتاريخ استحقاق وتنبيه قبله، وتكرار شهري.
• مصروفات متكررة: بتتضاف لوحدها كل شهر.
• إشعارات الموبايل: فعّلها من الإعدادات ← الأمان والإشعارات ← الإشعارات (أو من الدعم).

• حسابي / الشركة والفريق: اسمك وشعارك ونوع الحساب وحذف الحساب (اضغط على اسمك فوق)، التفضيلات (اللغة، المظهر، التقويم، تسمية الأقسام)، الفريق، سجل النشاط، الانضمام لفريق.
• الإعداد المالي: العملة والضريبة (وشكل الأرقام)، التصنيفات (تفعيل/إيقاف وميزانية لكل تصنيف)، المصروفات المتكررة.
• الأمان والإشعارات: البصمة/الوجه والقفل التلقائي، الإشعارات، الجلسات (تسجيل الخروج من الأجهزة التانية).
• البيانات والمشاركة: النسخ الاحتياطي (تنزيل/استرجاع، بكلمة سر اختيارية)، رابط مشاركة حي، المحذوفات (استرجاع اللي اتمسح).
• الاشتراك: الباقة والفواتير (طلب اشتراك ورفع إيصال)، ادعُ صديقاً، اكسب مع ديوان (برنامج الشركاء).
• المساعدة: الدعم، حول ديوان (الإصدار وما الجديد)، تثبيت التطبيق.

• كل حساب معزول على مستوى قاعدة البيانات، والصلاحيات محمية من السيرفر نفسه.
• بيشتغل من غير نت: سجّل عادي، وكل حاجة بتتزامن لما النت يرجع («بانتظار المزامنة: N»).
• النسخة الاحتياطية بتتحفظ عندك (الملفات/iCloud/Drive)، ولو ليها كلمة سر بتتشفّر.
• حذف الحساب: الإعدادات ← اسمك ← حذف الحساب (نهائي). أو صفحة diwan-app.com/delete-account.

الاشتراك

• الإعدادات ← الباقة والفواتير ← اختار الباقة والمدة ← حوّل بطريقة الدفع المتاحة ← ارفع صورة الإيصال ← بيتراجع ويتفعّل اشتراكك، والفاتورة تنزلها PDF.
• لو بتستخدم تطبيق جوجل بلاي ومش لاقي صفحة الاشتراك، اشترك من الموقع diwan-app.com، والاشتراك بيشتغل في التطبيق عادي.

ادعُ صديقاً

• كل مستخدم له كود 6 حروف. الصديق اللي يسجّل بيه ياخد شهر برو مجاني على طول.
• صاحب الكود ياخد شهر لما الصديق يدفع أول اشتراك (بحد أقصى سنة قدام).
• الكود ما ينفعش يتستخدم من نفس صاحبه.

برنامج الشركاء

• أي حد يقدر يقدّم من الإعدادات ← اكسب مع ديوان. بعد الموافقة بتاخد نسبة من كل دفعة لعملائك لعدد شهور، على الاشتراكات المدفوعة بس. التفاصيل في صفحة الشركاء على الموقع.

• الدعم ← ✨ اسأل المساعد: إجابة فورية بخطوات.
• محادثة جديدة: سؤال/مشكلة/اقتراح، والرد بيوصل إشعار. بتتبعت معاها معلومات الجهاز لتسهيل الحل.
• حالة الخدمة: diwan-app.com/status بتفحص الجهاز والنت والسيرفر وتوضح المشكلة عندك ولا عندنا.